如果大家有睇過《廿二世紀殺人網路》（Matrix）系列電影，應該知道入面最核心個設定係，我哋今時今日生存嘅世界，其實係由電腦程式所創造嘅虛擬世界。當然，你當係套戲睇就當然睇得開心，但其實有冇機會，套戲嘅設定係真呢？美銀美林話：有兩成至五成機會。
唔係玩嘢呀！大行美銀美林最新發表報告，就話，「唔少科學家、哲學家或者係商界領袖，都相信人類依家有兩成至五成機會，已經生活喺一個由電腦模擬嘅虛擬世界。今年4月，更有研究人員聚集喺美國自然史博物館就此進行辯論。」美銀美林仲話，「隨住人工智能、虛擬實境、電腦運算能力進步，可以想像到未來嘅文明會為祖先製造一個虛擬嘅世界。」
美銀美林更引述學者對人類文明嘅三個推算，分別係
1：喺人類未趕及進化成「後人類」之前已絕種
2：能夠進化成「後人類」，但未有創造出Matrix世界
3：我哋已經喺Matrix入面
好啦，咁就算我哋真係喺Matrix入面，咁我哋有咩投資機會呢？嗯…美銀美林係冇講嘅。