今屆立法會選舉其中一個「亮點」，就係香港本土力量何志光帶領一班黃毓民「苦主」，成功狙擊黃毓民，佢嘅「一票不投黃毓民」、「毋忘義德道」，更加令好多唔知毓民事情嘅選民，了解到發生乜事，而何背後一班支持佢嘅人，包括苦主之一嘅陶君行同八方講，雖然毓民輸咗，但佢同佢哋嘅花生台唔會就咁結束，會繼續監察熱血公民嘅鄭松泰同青年新政，睇吓會唔會走樣。
陶君行又話今次「掃黃」意外成功，全因一班黃毓民「苦主」肯出錢又出力，佢就以何志光籌款參選為例，佢哋只係用短短10日，網上眾籌已經有廿幾萬，夠晒錢參選，去到選舉後期仲有錢剩，所以先會喺報紙賣全版廣告。