【本報訊】萬眾期待的iPhone7星期五下午3時於蘋果官網開始接受預訂，全新的亮黑色iPhone7 Plus火速售罄，不過新機的炒風潮，一眾果農幾乎一致表示「不樂觀」。就連曾靠炒賣iPhone月賺過百萬的果農阿勇今次亦「唔睇好」：「今年預300幾萬就夠，亮黑色最多比原價炒高兩成！」雖然炒風不再，但阿勇仍然期望在取機日起計的「黃金一個月」，能賺到數十萬元，而炒機策略是「到手即放」！
據知果農普遍認為，iPhone7與iPhone 6s太相似「零驚喜」，加上中港同屬首賣地區，幾乎可斷定iPhone7「炒唔起」。據先達數碼匯手機店的阿勇表示，頭輪預購僅買到2部Plus 128GB亮黑色及2部黑色，估計新色亮黑最搶手，炒價比原價高出約兩成，其次受歡迎顏色順序為啞黑色、玫瑰金、金色及灰色，水位最多不過2,000元，而最少可能僅數百元。由於今年未有大戶落單，最多僅訂50部，故「炒燶」機會高，阿勇亦不敢投資太多僅預備300多萬元，屆時會發動大量人手到各蘋果店收機，炒機策略為「到手即放」，絕不能囤貨。
而專門供貨到內地的果農阿希亦同意：「只能短炒，不宜長揸！」因為近年內地人「送禮」風氣大減，大戶訂單情況不再，加上iPhone7在國內貨量比香港多，收機費連同運費令香港貨欠優勢，他擔心炒風僅維持到一至兩星期。