劉明軒又爆一年內被王傲山趕出家門三次：「第一次，結婚未夠一個月，年初四佢約同事嚟拜年，由朝早到晏晝。5點幾佢突然話要約朋友嚟打牌。」她以攰為由拒絕，卻惹王傲山當眾大鬧。翌日清晨5時，熟睡的劉明軒遭王傲山弄醒：「佢攞床頭燈照到我醒為止，跟住話『我未嬲完，要繼續同你鬧！』跟住就趕我出門口，我拖住三個篋去酒店住咗一個禮拜。」
逼埋牆指罵
劉母獲悉女兒爆喊受苦，勸她返娘家，其後夫妻和好。數月後劉明軒二度遭王傲山趕走：「佢鬧親我，會雙眼通紅指住我，逼我埋牆，嚇到好驚！」及至第三次被趕，劉明軒曾回家想跟王傲山傾談，當時他出埠不在，並叫家傭把東西入箱，準備獨自搬走，其時夫妻還沒離婚。