中環在線:高寶明掌民信金控 3年袋1億 - 李華華

中環在線:
高寶明掌民信金控 3年袋1億 - 李華華

跟「紅籌之父」梁伯韜同期嘅資深ibanker高寶明有新動向,佢新近獲民信金控(273)委任為聯席主席兼行政總裁(CEO),年薪1,872萬元,另有權於三年內,每年收取績效獎金1,560萬元,即係一年可以袋走3,432萬元,三年總共有1億元,咁重金禮聘,似係要食大茶飯喎。
民信金控前稱威利,據悉一向屬於資深投資者莊友堅,今年中轉咗大股東,公司之後改名,家陣搵高寶明做話事人,應該有一番搞作。
58歲嘅高寶明曾經係法國巴黎百富勤高層,2003年創立金榜融資,2012至舊年3月為中國民生銀行香港分行擔任顧問,負責籌建民生商銀國際。佢年近60都未言休,似乎想再創事業高峯。