賓特拿強勢回歸英格蘭球壇,喺周三已經以自由身加盟英冠球隊諾定咸森林,雙方簽約兩年。森林早前賣走咗主力射手奧利華布基,一直都想搵番位有份量嘅前鋒補充火力,如果「Lord賓」可以踢番佢最高水準,喺英冠應該相當吃得開。賓特拿加盟森林後,仲可能好快就會倒戈對番阿仙奴,因為唔夠兩星期後,森林就會喺英聯盃第三圈賽事主場迎戰阿仙奴,到時呢位丹麥前鋒就可以同雲格聚吓舊。