城邦派嘅粉絲，呢幾日應該唔多happy，皆因國師陳雲話要告退了，與此同時佢徒弟中出羊子都預告低調淡出。一班網民花生友，以後少咗寄託咯！
中出羊子原本報咗名喺新界西參選，點知因港獨立場被選舉事務處取消資格，而佢師傅陳雲則喺新東敗陣，結果傷到中出羊子嘅心，佢喺facebook宣佈：「無法接受這樣的投票結果，也慢慢淡出回去搞自己的網絡安全小生意。」
佢特別申明同大多數熱普城支持者唔同，「我對本土民主前線和青年新政是友善的（起碼沒有惡意）」；「用我們在票債票償運動期間的說法：人人都有權參選，公平競賽，從來就不存在𠝹票。」佢話毓民以些微票數落敗固然可惜，但非游蕙禎能控制：「黃毓民落選，責任在於雷動計劃」。佢話會按顧問開示稍為低調一年，靜待時機。