喺公仔箱消失咗好耐嘅「山本一夫」陳啟泰，最近喺網上着住當年套老西疑似復出主持《百萬富翁》，仲話要送100萬。但八方留意嘅反而係陳生條髮線移高咗好多咁嘅？仲老咗啲，殭屍唔係長生不老嘅咩？呢個其實係渣打銀行搞嘅網上遊戲節目《我要做富翁》，搵陶傑、林日曦、方健儀、歐鎧淳等接受陳啟泰唔同問題嘅挑戰。
齋睇名單陶傑贏面最高啦，但原來啲問題咩都有，包括卡通，才子未必識得晒。喺陶才子同腦細林日曦試答問題嘅宣傳片，腦細將複雜問題簡單化，但才子陰謀論式思考模式，就將簡單問題複雜化……唔怪得陶生都自認：「話就話第一（才子）箒，好多人話十九咋喎（十九才子？）。」
市民估中邊個係贏家，有機會獲100萬現金，13日下午6點截止，詳情可以瀏覽 http://www.sc.com/hk/millionaire 。