【本報訊】曾蔭權由孤獨的推銷員到攀上人生高𥧌成為特首，卸任後又被控公職人員行為失當，案件明年開審。對於特首此位高權重的職位，曾蔭權感受甚深地稱，高職位有高回報，但要付出好高代價。談到因貪污淪為階下囚的前政務司司長許仕仁，曾蔭權難掩悲傷之情，他表示仍視許仕仁為終生好朋友。
稱打大鱷功不可沒
梁振英上台後民怨日大，前特首曾蔭權及董建華成為比較對象。曾蔭權指出：「𠵱家年紀大咗，啲嘢睇闊咗，好多嘢灰色嘅，而且環境又唔同，每個特首都面對不同挑戰，唔會感覺上因為我做就唔同。」他又表示，與太太外出時，總會有同情他苦況的市民主動前來握手表示支持，他對此「好感恩，做到高職位，係風險高、回報高，但都要付出代價，相對都好高」。
對多年好友許仕仁因新地案而入獄，他語帶哽咽表示，許仕仁在1998年金融危機「打大鱷」功不可沒，雖然在貪污案件審訊時，他才知道一些新事實，但「我𠵱家只有每日每日都為佢祈禱，我覺得佢都係我終生一個好好嘅朋友」。
■記者麥志榮