海洋公園每年都有哈囉喂主題鬼屋，聽說今年的設計一點也不好惹，我們就找來演出經驗豐富的夏蕙BB一試究竟！
這次試玩的是典型校園風《屍立中學》鬼屋，從小到大聽得太多學校鬼故，真係未入去都自己嚇咗自己先。一入去，夏蕙BB就被「男學生」嚇倒，接下來還有一眾女學生、枉死的男學生、校工，排住隊向佢訴冤情。BB一路行一路尖叫，似乎真的很害怕，但以她多年演出經驗，究竟她在扮驚抑或真的這麼恐怖？！
行到咁上下，估唔到BB尖叫完一輪，倒轉鬧返慘死男學生轉頭，「撞鬼呀你！連老娘都嚇！」字字鏗鏘，似乎愈嚇愈大膽。
玩咗大約15分鐘，BB終於行完呢間鬼屋。一揭開黑簾，佢即時摸摸心口仔唞番兩啖大氣，原來女子心底裡還是驚驚豬的。「驚魂也未定，真係好驚！ 明知係假的都驚！」唔使驚唔使驚，話畀我知最令你花容失色係邊隻鬼先？「最害怕是那些女鬼，披頭散髮！」怪不得返學老師們都叫女同學紮返條辮。今次試玩，夏蕙BB畀足五粒星驚嚇度呢個鬼屋，大膽者不妨挑戰。
《哈囉喂全日祭2016》
日期：10月2日、7至10日、14至16日、20至23日、27至31日
開放時間：上午11時至下午11時
海洋公園門票：成人$385、3-11歲小童$193（早上至晚上通用）
哈囉喂優越門票：網站或旅行社票價成人$690、3-11 歲小童$345（門口售票處正價成人$730、3-11歲小童$365）
記者：黃樂雯
攝影：林栢鈞、徐振國