葉氏化工（408）68歲創辦人兼主席葉志成，近年已經退居幕後，將生意交畀阿仔葉鈞同埋一班管理層打骰。不過葉老闆都唔係「真．退休」，為慶祝集團今年45周年，佢多年前自資開拍一齣自傳電影，戲已經拍好，仲搵到內地發行商，將於今年公映，至於香港就未有咁快。
講番齣戲，管理層話，由籌備到拍攝完畢，由於中途遇到小小阻滯，最後足足用咗七年時間，佢哋仲話，葉志成經常去監場，真係有血有汗㗎。不過問到有冇得劇透，佢哋就話「不能透露更多」，不過話怕觀眾睇到悶，所以加咗少少感情戲同虛構劇情，但就肯定冇大台「BBQ大團圓」結局咁hea囉！