林鄭月娥俾人叫做「好打得」，恒生（011）大公關張樹槐（Walter，水哥）就應該叫做「好跑得」，水哥今年58歲，依然周圍去跑馬拉松，分分鐘勁過唔少後生仔，佢啱啱仲完成人生第60個全馬㖭。
水哥星期日冇去投票，人在韓國，參加韓國DMZ（Demilitarized Zone非軍事區）國際和平馬拉松（「DMZ馬拉松」），完成佢第60個全馬，即係「鑽石馬拉松」。
呢個馬拉松素有「三八線馬拉松」之稱，賽道位於韓國鐵原郡，南北韓之間「三八線」兩公里範圍嘅軍事緩衝區內，只有全馬賽事才能進入此區，每年只向公眾開放一次進行此賽事。今屆約有4,000人參加全馬。
除咗軍人、坦克車，參賽者仲可以一路跑，一路見到戰爭遺蹟，部份賽道嘅跑道與「地雷區」只有一道鐵絲網之隔，呢項賽事夠晒特別，肯定令人難忘！