財政司司長曾俊華陰功豬，今年因為佢要代表香港出席二十國集團（G20）𥧌會，搞到冇得投票。但冇咗一票、換嚟一個親近習大大身邊紅人嘅機會，鬍鬚曾都唔算太蝕！
鬍鬚曾喺fb貼出𥧌會同多名財金猛人嘅合照，其中一個相當矚目，就係中央財經領導小組辦公室主任劉鶴（圖）。劉鶴唔單止係鬍鬚曾留美時喺哈佛大學甘迺迪政府學院嘅同學，更加係習大大嘅財金智囊，習大大曾向外明言劉鶴「對我非常重要」。
今次二人相遇，有政界人士叫八方睇睇，鬍鬚曾嘅身體語言，面對中央紅人，係插住褲袋嘅輕鬆相、而唔係面聖嗰種緊張樣，嗰種熟絡度，有啲意思喎！佢亦澄清𥧌會冇同習近平傾特首選舉嘅事。