今屆新界東嘅選情，認真峯迴路轉。相信唔少人嘅心情，都同社民連梁國雄嘅選情一樣，好似坐咗過山車，好在驚嚇一輪依舊平安着陸。
據知因為有人要求重點，所以選票要點完又點，新東成為五區中最慢嗰區，候選人拉咗成日票，又攰又肚餓，高票當選嘅公民黨楊岳橋就喺點票期間食熊仔餅等結果，仲喺facebook留言：「超慢呀！」
而同楊岳橋一齊食熊仔餅嘅呢，包括工黨嘅張超雄、人民力量嘅陳志全，三個人分甘同味，呢一組新東拍檔，喺選舉期間都互相幫忙，係合作夥伴而非競爭對手，怪不得岳少都喺facebook加咗個hashtag，「一齊贏先係贏」、「一齊食先係食」同「樂天嘅人梗係食熊仔餅」啦！