恒指升到呢個位，以月線圖睇，已經拋離中軸，可以初步確認港股進入中期升浪。走勢同2012年10月尾極度相似，同時係一輪zig-zag走勢過後，恒指以連續陽燭由下而上突破中軸。以周線圖睇嘅話，話2012年10月嘅9周RSI升到77.9，𠵱家亦去到78.4，表面證供睇，上升動力充足，而又有相當多投資者抱有懷疑態度，斷估重覆2012年10月走勢機會唔細，只係需時改善超買、進入幾周小型調整，之後有條件再升多轉，睇吓港股有冇機會旺到年尾。
既然9周RSI已經衝上接近80水平，調整難免，與其呢一刻窮追，不如回一回氣，留力去博第四季。
追落後？呢一轉弱過藥煲嘅港交所（388），星期一出現第一棍，近期藍籌股升親都唔止一棍，相信突破後，呢兩日仲有運行，投機性博一博無妨。
晉佳
http://fb.com/advanceguy1