【本報訊】放棄投行高薪厚職的王家琦，在2014年3月加入冠君（2778）做副行政總裁，短短兩年半已極速升正做CEO，有不少同行向她八卦搵好工秘訣。她卻形容自己同冠君「出生入死」過，湊足公司逾十年才成為接班人。
協助上市 湊足逾10年
她指，在花旗任職時已負責冠君上市，至2007至2008年母企鷹君（041）想注入朗豪坊已開始「湊股」。當年做注資路演時卻偏偏遇上Bear stearns（貝爾斯登）爆煲，幾經艱難才做成10億美元的配售。
王家琦認為，這十年的經驗是一個長期面試過程，所以「份工唔係搵㗎，係我好畀心機咁cover一個客成十年」，「佢哋多謝我，亦認為我做接班人會更上一層樓」，加上前行政總裁李澄明部署兩年內退休，「保證我係佢嘅接班人，我先肯放棄投行高薪厚職過嚟！」
王家琦在投行曾處理多宗併購，其加入亦令投資界多一份憧憬，「佢哋因為我做CEO，都預我唔會只係兩幢嘢（物業）」。上半年集團已再為兩筆總額113億元的貸款再融資，減低利率及延長債務年期，只待機會到來，「一有機會就『擒』住」。