參選港島嘅王維基噚日下午到太古拉票時獲舊同學、前特首辦新聞統籌專員何安達帶同太太同兩名囝囝到場打氣；何安達細仔、年僅8歲半嘅何心言主動向魔童送上寫有「馬到功成」嘅紙條打氣。當維基問佢有乜願望？心言即刻話：「我好想踢走梁振英」，全場歡呼起哄。
何安達點睇現讀喇沙小學三年班嘅囝囝想踢走梁振英？佢話喎：「如果你問一問佢班同學仔，喺佢哋呢個階層，你講梁振英，佢哋識講下一句。」佢囝囝在旁搶答：「要踢走佢囉！（點解？）因為我覺得佢好乞人憎！」
魔童則話選舉比做生意辛苦，憶述過去56日，每朝6點起身、7點落區，直到晚上8點，不過佢話辛苦得嚟好開心。