唔少市民噚日一起身即刻到所屬票站投票，之不過，國家有任務畀財政司司長曾俊華（圖），所以佢唔可以好似大家咁用選票改變香港。
鬍鬚曾喺網誌述心聲，話身處杭州出席二十國集團（G20）峯會，「因而多年來第一次未能投下我的一票」，呼籲市民好好把握機會，投票支持心儀候選人，「令議會能夠更好的反映市民大眾的聲音」。佢又話今屆選舉一大特色，係有唔少政壇新面孔參選，隨住資深議員唔再連任，相信呢啲議會「新鮮人」會為議事廳帶來一番新氣象。
外界好關注鬍鬚曾今次喺𥧌會，有冇機會同國家主席習近平會面，佢之前話過暫無計劃會見領導人，暫時「習握手」情況亦不會再現。但佢提及喺𥧌會喜見相識多年嘅中國國際貿易促進委員會會長姜增偉，仲合照留念㖭！