成日話跑馬好神奇，這天沙田日賽正係佳例，蓋頭六場皆由外籍騎師贏馬，第七場起卻輪到華將壟斷頭馬，當中包括新婚騎師梁家俊以何良馬房「怪獸家長」大熱勝出第九場三班1400米。
這天第四至六場三場四班賽，都由三落四班之降班馬勝出，相反第七至九場三場三班賽，則全由四升三班的新勝升班馬建功。當中第九場「怪獸家長」取得跨季三連捷，一如過往放棄前段，末段如狼似虎，後勁強得驚人，首戰三班即贏，四歲馬實力深不可測，今場單Win及組合獨贏A1，分別派35.5及19元。
仲有一點，「怪獸家長」係這天跑到第九場為止，第六匹排雙位數檔位的外檔頭馬。而呢場二至四名順序為賢廐「幸運興隆」、東廐「美麗皇者」及時廐「奇真」，四重彩派二萬三千幾。順帶一提，東廐在尾場第十場開跑前，這天出了八駒，勁取兩冠一亞一季兩殿。