張敬軒（軒仔）、吳業坤及鍾舒漫等前晚出席在灣仔live house餐廳開幕禮，軒仔最近在網上假扮新人，將音調降兩度唱歌，兩日內累積過百萬點擊，他說：「呢期好似精神分裂咁，今日嘅張敬軒又係降兩度，雙重身份嚟恭賀，呢排登台都係用降兩度。」
軒仔打鐵趁熱，自資在本月7日舉行降兩度直播音樂會：「會有live band，係降兩度嘅首個音樂會，網上歌迷見面會。𠵱家網上世界最緊要快，都幾好玩，唔可以再用我出道嗰陣嘅嘢套落去呢個行業。過去一、兩年，好多香港樂壇話題都係由網民帶出，網民即係歌迷，所以無論好與壞嘅comment，我哋都要有心理準備去承受同把握機會。」
採訪：王連連
攝影：沈健程