周汶錡、鍾麗淇、Mr. 鼓手Tom及太太、楊鎧凝等昨日在銅鑼灣出席慈善活動，周汶錡的兒子Jacques已14個月大，她坦言想生多個女，問她與老公是否不設防？她細聲地說：「努力，加油，老公好鍾意小朋友，想生3、4個，本身阿仔爬嘅速度好快，今日佢學行幾步，其實我想佢行，又唔想佢行，好忐忑，因為佢唔識行可以抱住佢，但佢識行就要睇緊啲。」
鍾麗淇表示想帶兩個女兒到場，但因為本身有工作，老公就提議她下次先。她指今年5歲多的大女，患有4號染色體缺損綜合症，現時行路不錯，可以單手扶住東西行路，故她想帶大女出來見人，問到囡囡會否怕陌生？鍾麗淇說：「之前去迪士尼佢唔怕，但唔知對住咁多閃光燈驚唔驚。」
採訪：黃曉妍
攝影：陳俊強
