林一峰昨日到將軍澳出席商場活動，他表示早前跟妹妹林二汶和媽媽到溫哥華旅行：「今次旅程全部食我煮嘅健康餐，結果阿妹總共瘦咗九磅，佢之前話膝頭痛，為咗下半身着想應該減磅，年尾佢開騷，瘦啲冇咁論盡，冇咁易跌親。」講到立法會選舉，他稱會盡公民責任，但不會公開呼籲歌迷投票：「我哋係音樂人，淨係需要去做好音樂就可以，唔好本末倒置。」