「細哨」朗拿甸奴球員生涯嘅高峯喺巴塞隆拿度過，相信冇乜人反對；由03年加盟到08年離開，帶領巴塞贏過兩次西甲同一次歐聯冠軍，兼贏埋世界足球先生同埋歐洲金球獎等最高個人榮譽。唔少巴塞球迷仲係非常愛戴細哨，等咗咁多年，佢終於回歸巴塞，將會出任球會喺美洲地區嘅形象大使。巴塞會喺紐約開設新辦公室，細哨到周二就會喺嗰度正式就職。