雖然上屆立法會選舉，已經有傳媒報道過票站人員要喺投票日前攞選票返屋企，但當年未惹好大爭議，唔及4年後今日受人關注，似乎特首梁振英治下，港人對公務員嘅信心都冇埋！
「記得鎖行李箱呀」
而FactWire傳真社記者就喺周四喺選舉事務處向票站人員派發物資嘅大廈房間，拍咗條片證明部份選票篋冇上鎖後，就由票站職員拖走，引起大眾譁然。
而呢排相當愛抽水嘅德國駐港總領事館，乘勢喺fb專頁上載圖片，以「每周一字」為題教授「記得鎖行李箱呀」同埋「鎖」嘅德文用法，並以德語、英語並列作教學，似乎暗嘲票站職員未為選票篋上鎖就帶走嘅做法好兒戲噃。唔少網民紛紛留言讚好，話專頁嘅發帖好「貼題」：「睇你哋嘅每周一字，就已知當周港聞嘅最hit topic。」