如果你是標準馬迷，一定知道9.3這個大日子。
Right，就是新馬季開鑼之日，個個賭仔都希望攞頭彩，咁樣大家又知唔知，開鑼戰有何贏錢竅門呢？原來近三季首日重頭戲特首盃，大熱門都贏唔出，例牌由第三、第四熱門馬建功，所以博一些10倍前後馬匹，就最精明。
想刀仔鋸大樹，就梗係玩大彩池三T啦，今期有成1,800萬彩金。回顧上季開鑼日三T三關賽事，成績最好騎師竟唔係雷神，而係前冠軍韋達，當日他憑「正藍旗」、「金龍」一對馬起孖，看來這位老將真係好鍾意攞頭采。馬匹方面，開鑼日經常有跨季孖寶馬出現，即係上季本身最後一戰取勝的馬，往往可承接銳勢，喺新季第一擊再贏。上季開鑼戰的「豪逸」、「包裝奔馳」，就成功取得跨季孖寶。
不過講到尾，投注永遠有風險，其實亦可齋睇唔賭，9月3日入到沙田馬場，可以免費攞番個精美賽事月曆，到時飲飲食食又一天，咁就真係冇得輸咯！