馬國明和洪永城前晚在中環出席G-SHOCK手錶宣傳活動，傳聞中的情敵相遇，兩人全程零交流，無眼神接觸，祝酒亦冇碰杯，馬國明解釋：「人哋鏡頭前好好，鏡頭後面左左，我哋就調轉。」洪永城則回應：「我哋係騷錶，唔係我哋關係。」
洪永城現場問馬國明：「咁使唔使分番畀中間女主角？」精打細算的馬國明說：「係都你分啦，我就兄弟姊妹得閒食飯就得啦。」談到情敵同場酬勞，馬國明說：「洪永城好犀利好貴㗎！」洪永城即刻反擊：「係比馬國明低少少，有五位數字。」問他們會不會合作拍劇？馬國明笑說：「𠵱家啲人係叫佢『一哥』㗎！唔可以穿，要吊吓人哋，等人哋覺得我哋係咪真係爭女，咁先至多嘢做。」
採訪：卓寶花
攝影：沈健程