【本報訊】變態的士司機，停燈位車廂內做出猥褻行為！讀者蘇先生本周二下午約3時15分，乘坐公司貨車，沿灣仔天樂里往上環，其間司機望見鄰線的士上司機，「司機同我講：『你睇佢做乜嘢？』我望過去，話：『人哋搲痕啫！』點知望真啲，嘩！佢放雀出嚟！」
蘇先生續稱，兩車並排行駛至800米外的盧押道燈位，相繼停燈位。蘇先生拿出手機拍攝，「佢拉開咗褲鏈，放咗出嚟，攤咗喺度，間唔中玩吓玩吓，停喺燈位，隻手係咁撩，係咁捋」。
最詫異的是，該部的士後座竟然是有乘客，蘇先生說那是一名年約40歲的外籍女乘客。「真係好變態！有乘客喺度都咁做」，「今次主要係講畀個司機知，係會有人影到，唔好以為人哋唔知」。蘇先生指該司機行為變態之餘，亦不衞生，「下更可能都聞到軚盤有陣味！」