政府近日開設模擬票站，畀選民入去模擬投票，熟習一下。本來用意係好，卻惹嚟建制派嬲嬲豬。民建聯新東陳克勤團隊噚日發炮，話有義工去到模擬票站模擬投票時，竟然發現所提供嘅選票唔係有齊所有候選人，好唔公道。
大陣仗去信投訴
陳克勤話新東嘅模擬選票上只有1至20號候選人，冇21及22號候選人；而超區嘅模擬選票，則只有801至808號候選人，冇809號。八方睇一睇，原來新民黨容海恩係新東21號、陳克勤就係22號；超區809則係陳克勤黨友周浩鼎，咁又難怪佢緊張嘅！陳克勤話擔心此舉誤導選民，已去信選舉事務處要求澄清。
超區參選名單尚有涂謹申、鄺俊宇、陳琬琛、李慧琼、梁耀忠、王國興、關永業及何啟明，該區其他參選名單，請參閱本報立會選戰網站 http://hk.apple.nextmedia.com/legco2016/region 。