民建聯鍾樹根之前大爆過去立法會選舉日，民建聯靠票站調查嚟配票，今年除咗有背景親建制嘅香港研究協會繼續獲准做票站調查，左報《成報》同系公司成報報刊有限公司都獲准參與。身為票站調查「老字號」嘅港大民意研究計劃雖然都申請咗，但就決定今屆只做調查，但唔會作即日分析。
民研總監鍾庭耀噚日出席電台節目話，有機構嘅票站調查被指用作政黨配票，政府又唔處理，影響調查專業。至於日後仲會唔會再做專業票站調查，佢話：「睇整體政治氣候會唔會再分化落去，社會嘅民智，尤其特區政府（係咪）已經換咗屆，（睇吓）到時特區政府點看待專業發展呢？」