眾所周知謝霆鋒係圈中出晒名嘅廚神，仲拍過兩輯《12道鋒味》o添！不過唔講你唔知，其實佢前妻張栢芝一樣都咁煮得，直頭係女廚神咁！
早年，謝霆鋒喺內地同師妹阿Sa拍電視劇《劍俠情緣之藏劍山莊》嗰陣，栢芝仲親自飛去山東探班煮飯畀霆鋒食，仲請埋劇組一齊食o添！
離婚後嘅栢芝曾經有一段時間喺新加坡做全職媽媽，喺當地佢不時被市民捕獲去街市買餸，佢仲去當地嘅非牟利慈善團體做義工，大汗叠細汗揸住個大鑊鏟煮飯，仲親自派飯盒畀長者。
而早前栢芝接拍中德合拍片《失控幽靈飛車》，喺德國拍戲嘅佢大呻食唔慣西餐，趁劇組休假到超市買餸，親自下廚煮住家飯，仲自誇撚手小菜有咖喱薯仔雞、蒸水蛋、番茄炒蛋，真好多有媽媽feel呀！