民主黨候選人陷於苦戰，但大家千祈唔好忘記佢哋仲有另一位候選人區諾軒，今年為咗捍衞小店生存權，抗擊領展霸權，決定打大老虎，挑戰批發及零售界另一候選人邵家輝。精通日文嘅區諾軒誠意十足，知道業界選民有部份係日資或經營對日貿易，雖然得5票，但決定以日文send email拉票，將政綱中譯日，唔知可唔可以感動選民呢？
選舉雖然好忙，但區諾軒都有繼續跟進Beecrazy清盤案。佢正協助苦主向清盤人填申索表格，仲話唔少供應商完成網絡交易之後，已經向消費者發貨，但收益暫存於Beecrazy嘅賬戶，佢擔心清盤人會將呢啲存款當作Beecrazy嘅負債，令供應商排喺較次要嘅位置獲取賠償，隨時一個仙都無。佢正向清盤人爭取供應商可較優先獲取賠償。