一，老婆生仔調醫院住單人房唔使問阿貴（自認唔知埋單幾錢），身為議員撈慣油水與方便還貪到咁盡，點做人父親？教壞細路！
二，頂住大肚企街派傳單，自稱好多職業婦女都係咁，反駁對手「以為大肚婆唔使做咁離地」的，寫個服字！以後肯定以自己做人辦，幫老闆刻薄壓榨懷孕員工。有位唔坐咁企得，師奶，譚主席話齋，坐立法會十粒鐘，你點頂呀。
三，手下恐嚇對手的錄音曝光，卻指控對方竊聽。這裏是香港，什麼四川哥和上海仔，祖國減廢回收啦。
四，被選管會完全當透明，爆喊後失蹤棄選那位，好心人唔投，怕累佢惹上更高層次麻煩。
五，大罵唔投給他們五個，香港就會死那位。借電台名句用吓：請問，食咗藥未？
六，帶住皮喼去勇武那位，入到議會實要拜關帝，關帝中國製造，會爆喎。
七，被奉為教主的，大陸暴力拆十字架神壇都唔出一句聲，跟鄺保羅一條船，應該去選聖公會嘛，實無𡃁妹跟佢爭！