【本報訊】皇璽餐飲（8300）之所以起家，一切源於九龍城一間小店「台灣牛肉麵」。「台灣牛肉麵」由皇璽主席王文威之父，於1993年創立。「碗麵我由十幾歲開始食，食到大。」王文威於2003年澳洲大學畢業回港後，就開始繼承這一碗牛肉麵，到今時今日已發展成皇璽，他表示，「當時阿爸都話，大家都冇諗過捱到今日。」
皇璽自2005年靠「台灣牛肉麵」打入香港機場，至今已成為機場市佔最大餐飲集團，王文威坦言純粹食正時機，「2004年機場食肆選擇唔多，見到廣告招標，就試吓，結果一擊即中。」他表示，機場的好處是人流、生意相對穩定，不過要打入機場，必須符合機場一系列條件，亦要睇經驗、品牌，因此門檻相對高，同時請人難上加難。
不過，機場餐廳客源除了旅客外，亦有一班機場、航空公司員工；對機場餐廳職員而言，可享另類優勢，王文威表示，「有呀，有啲真係同空姐結咗婚呀，印象中有兩三個。」
除機場餐廳外，皇璽餐飲亦為「左麟右李」提供管理服務。王文威表示，做明星餐廳有個特別之處，「就係好多客都係fans。（會唔會問你阿麟幾時嚟？）唔使㗎，佢哋自己已收晒風。」
記者：倪敏慧