韓國45歲「大長今」李英愛早前忙完拍攝《師任堂》後，即刻回復全職媽媽及老婆的身份，大享家庭之樂。近日有網民就發現愛姐帶一對龍鳳胎兒女去街，同行就不見丈夫，只見戴上帽子和墨鏡的愛姐十分低調，更不顧大明星身份，當眾蹲地幫一對寶貝仔女揀食物，旁邊有架扭蛋機，未知龍鳳胎仔女有冇要求媽咪抽扭蛋呢？同時愛姐亦有帶他們睇玩具，認真廿四孝媽媽。