禮拜六(9月3日)沙田草地10場賽事在B跑道舉行，睇番上季開鑼戰亦係用B欄，當日居中後上馬唔蝕底，如「威祥」、「豪逸」、「金龍」及「正藍旗」等，都係留守中間或更後位置，入直路憑後勁反先對手，所以耍留意賽事形勢，放頭馬隨時行先死先。另外，外檔馬表現更勝內檔馬，十場賽事九場有10檔或以外馬上名，而且合共勝出四WIN，故此抽中外檔之居中後上馬，更值得優先留意。
今戰列陣馬中，第三場「包裝奔馳」兩次角逐田草B欄均不勝有位，包括上季在開鑼日贏馬，瞄準首戰B欄上陣必求重溫好夢。另外，第八場「綠勇士」在港唯一入Q正是跑B欄1200米所得，今次更強配莫雷拉執韁，有力打開勝門。