幾乎每逢選舉，香港研究協會喺全港各票站進行大型民調，周日舉行嘅立會選舉，佢哋都獲批進行票站調查。
八方將協會進行調查嘅訪問員，選取較特別嘅名字上網搜尋，例如梁樂燾、蘇俊諺、鄒宗顯等等，發現情況同以往一樣，大多數訪問員名字與左派學校，好似漢華中學、培僑中學等畢業生同學生嘅名一模一樣，唔通一日係左派人，一世都為左派服務？
香港研究協會嘅創會主席蘇祉祺係江蘇省政協，亦係建制派組織新一代文化協會總幹事。但香港嘅選民久經訓練，唔少人見到香港研究協會嘅調查員，一係挑機、一係講大話、一係耍手擰頭。之不過咁，今年連傳媒機構《成報》都加入戰團做票站調查，唔知大家又會點樣對待佢哋呢？