斐濟喺里奧贏咗男子七人欖球金牌，呢面亦係國家喺奧運上首面獎牌，意義咁大，44歲英國籍教練賓賴恩梗係有獎啦。消息指，賓賴恩返到斐濟之後，獲得一個省份贈送一幅面積達三公頃嘅土地，搖身一變做咗大地主。有指已經俾超過20支球隊睇中嘅賓賴恩，查實喺上周已經獲得斐濟最高平民榮譽，同埋攞到超過11,000鎊（約11萬港元）嘅獎金，家陣佢連地都有埋，一個奧運會真係令佢變成人生贏家。