今年美洲盃決賽又輸波後，巴塞隆拿前鋒美斯一度宣佈退出阿根廷國家隊，好彩阿國上下包括球王馬勒當拿力勸下，美斯終於收番呢個決定，九月對烏拉圭同委內瑞拉嘅外圍賽都有份參與；不過因為有傷，美斯缺席歸隊後首課練習。講起阿根廷國家隊，美斯嘅同房老友、曼城前鋒阿古路就因傷退隊，其餘受傷缺陣仲有聖日耳門嘅柏斯托尼；而新兵就有河床23歲前鋒艾拿利奧。