所謂「新人事新作風」，鐘表業總會主席黃麗嫦噚日出席活動時話，家陣智能手錶咁hit，鐘錶業內部份第二代接班人將新舊科技結合，既保留傳統製錶手藝，亦加入新元素，好似藍芽錶帶或者GPS定位咁，畀佢哋呢班「廠二代」殺出一條新血路！
高檔鐘錶對一般打工仔嚟講，或多或少有啲離地，一隻手錶隨時閒閒哋十幾萬銀。黃麗嫦就話，雖然智能手錶唔能夠代替高檔市場，但確係一個有潛力嘅孖屐，除咗價錢平啲之外，唔少後生仔都鍾意科技嘢，好似測心跳步速，又或者係女士最關心嘅卡路里等等。
黃麗嫦指，業界近年開唔少研討會，分享製造新產品心得，個別鐘錶行家認為，中價錶嘅銷量都叫做幫補到少少高檔錶生意嘅！