喺呢個國際賽期，冇份為國出戰嘅曼聯球員都會自動有兩日假期，但係作為領隊摩連奴嘅愛將、今季加盟曼聯嘅伊巴謙莫域就特別有四日假咁多！咁即係擺明大細超箒，特事特辦喎！摩佬解釋話：「伊巴已經34歲，四場比賽，佢踢咗360分鐘，所以我畀佢放四日假。」咁講又合理嘅，加上伊巴一嚟到已經表現出超班實力，三場聯賽入三球，相信冇人會唔服佢。希望伊巴叉足電，喺曼市打吡踢場好波畀球迷睇啦！