【本報訊】以小市民身份參與遊行，卻被指以胸襲警，差一步淪為階下囚，事隔近400天仍糾纏在上訴官司當中，吳麗英昨接受《蘋果》專訪時坦言無奈，但不會因而仇警。
吳麗英感近年警察針對示威者，勸告警察不要只顧政府，要為下一代着想，「警察都係香港市民，我哋都係香港市民，你冇理由成為政府嘅工具，去拉啲表達訴求嘅人」。那麼會否怕了警察？吳笑言不會，「我都冇做錯事，做乜要驚佢哋？」
前年9.28催淚彈後，吳麗英在街頭結識到男友鄺振駹，去年初「光復元朗」中第一次拍拖遊行。吳當日走出來，只因目睹水貨客問題嚴重，「旺角成街都係藥房，內地客擺到周圍都係篋」，認為政府不聽市民意見，希望遊行為香港發聲，最後與男友雙雙被捕，鄺坦言「冇諗到結果會係咁」。
男友扶持 感情更堅固
兩人均稱慶幸案發至今一直得到親友支持，又感謝律師團的協助。任職船務主任的吳麗英表示，公司同事及上司均知她被捕，但不會提起此事，「大家怕我唔開心，扮冇嘢」。吳又指這一年來，與男友互相扶持，感情變得更堅固。
對於以胸襲警，吳麗英不欲多談，僅輕輕帶過說：「之前法官都講過，其實身體每一處地方都可以係武器。」她自言不懂法律，「問咗律師話眼球、手指尾都可以係武器，有啲估唔到」。會否感到荒謬？吳只模糊稱：「都冇話荒唔荒謬，都係嘅。」
兩人坦言對警察觀感一直較差，經過今次事件後更感警察非政治中立。對政府看法有否改變？鄺則笑稱，「不嬲政府都係衰㗎啦，經過呢啲事之後覺得佢更加衰」，吳笑着附和「已經睇得好清楚」。吳又表示日後仍會參加遊行，「係合法，拎咗不反對通知書嘅都會支持」。
■記者蘇曉欣