唔止香港，美國一樣面對土地問題，無殼蝸牛只要唔租屋慳回租金，財政原來可以出現翻天覆地嘅改變。
美國電台女記者Kristin Hanes寫咗一篇題為'Why I Became Intentionally Homeless in San Francisco'嘅blog，公開唔租屋變homeless、然後解決財政問題嘅親身經歷。呢位女記者三十多歲，大學畢業，居住於三藩市，喺一個一房單位租金中位數達到3,500美元嘅城市內，佢埋怨唔能同夠時還錢同儲錢，於是被個人貸款問題纏繞足足8年。
4個幾月前，佢做咗一個決定，就係唔租屋，然後同男朋友變成Homeless一族。究竟佢點實行？首先，佢幫襯健身中心，然後將其日用品塞進健身中心嘅locker，唔等洗嘅嘢就賣出去，亦將其餘物品塞入其Toyota Prius坐駕嘅車尾箱，夜晚與男朋友駕車去不同地方紮營。
困難之處，在於沒有浴缸、廚房、電力、電視機，不過頭40日，佢成功支付3,700美元負債，更慳咗2,500美金租金（原本每月用1,800美金租一個開放式單位），亦換來戶外燒三文魚同一邊飲啤酒一邊睇星星嘅機會。
Kristin Hanes目的是還清債務，務求令自己銀行戶口變回正數，短短4個月，目標已經達成。
Kristin Hanes篇blog的全文連結： https://thebolditalic.com/w......sco-7021f72b1e79#.92c4aat9h