【本報訊】70年代在中環開業的羅富記粥麵專家，掛着一個藍底紅字的鯪魚霓虹招牌，訴說着老店歷史。但2010年政府全面實施規管舊招牌的新制度」，不少招牌隨即被列為違例僭建物，逾40年歷史的鯪魚招牌亦是目標之一，昨日店內的所有老店員均定睛看着招牌被卸下一刻。鯪魚招牌代表老店的鎮店之寶，「招牌睇着我大，但我睇着招牌走」，33歲的羅富記第二代掌舵人羅錦基坦言不捨，拆招牌如清洗城市歷史。
送M+博物館展出
羅富記鯪魚招牌在70年代起屹立於皇后大道中，直至90年代才搬到擺花街分店。羅富記的始創人羅焯林，當年把家鄉中山小欖名菜炸鯪魚球帶到香港，更以鯪魚作為店舖招牌，「爸爸話，呢個設計特別，夜晚開着燈，街上不再只有街燈，多啲人知道呢度有炸鯪魚球食」，羅錦基是羅富記的第二代傳人，羅老先生數年前離世，印證一生心血的招牌也隨之消逝。
兩年前，羅富記收到屋宇署的招牌清拆令，「以前每次行過天橋，好遠都會見到條魚，𠵱家睇唔到，心裏少咗啲嘢」，他接手麵店後，老店裝修、舊式餐牌，一如往昔；對他而言，招牌也該留下，但隨着時代變遷，羅錦基坦言年輕一輩不再是「睇招牌搵店舖」，而是以「OpenRice」覓餐廳。羅錦基認同舊招牌有其危險性，但政府「一刀切」未必是理想做法，「有啲大招牌有長期維修，呢啲可不可以留低呢？老一輩會覺得拆招牌就好似拆舖頭一樣，招牌只會喺間店結業時先會拆」。
鯪魚招牌拆卸後，昨被送往M+視覺博物館作為展覽品，「起碼第時可以帶小朋友去博物館睇番吓個招牌」。M+收集霓虹招牌已3年，助理策展人周麗珊認同招牌應留在街上，但如其把招牌送往堆填區，不如送往博物館，「兩年前已留意呢個招牌，招牌可以見證城市發展嘅獨特性，一個招牌存在越耐，對城市景觀構造越強」。
■記者梁佩珊