新馬季在本周末（9月3日）展開，兩大高手莫雷拉及潘頓同屬開鑼戰旺人，前者兩次在開鑼上陣均連中三元兼勝出騎師王，至於潘頓上季雖然因傷缺陣，不過由2012至2014年連續三年在開鑼戰贏兩場或以上，可見二人都喜歡先發制人搶食頭糊。
周末開鑼戰，莫雷拉及潘頓均已卜定多匹實力座騎，估計屆時又會連場數糊。其中莫雷拉以一對文廐馬「辣得很」及「御風雲」最具睇頭，此對騎練上季合作15次，取得五勝五位兩殿兩第五，僅一次無獎金落袋，可見唔好唔合作。
「辣得很」及「御風雲」上季皆曾在莫雷拉胯下交出表現，人馬早有默契，賽前均試大閘勝出，做足工夫有力替雷神旗開得勝。另外，莫雷拉對上兩季開鑼六匹頭馬中，五駒以大熱身份建功，證明越熱越穩陣，太好分反而要有戒心。
至於潘頓歷來與方嘉柏在開鑼合作八次，取得兩勝三位兩殿，騎者近兩次在開鑼上陣便分別替方廐勝出「君子一言」及「執到寶」，周末方廐暫有「誰可拼」卜定潘頓出爭特首盃，騎者近四次角逐此項賽事三度跑入前兩名，並曾兩度捧盃而回，屆時當然有優先留意必要。