正所謂曹操都有知心友吖嘛，參與立法會新界東嘅正義聯盟李偲嫣，雖則表現較獨特，但都有唔少粉絲㗎喎，有啲仲係演藝界㖭！
李偲嫣喺facebook上載一段導演高志森嘅力撐影片，佢話喎，一星期前收到高志森來電，話好欣賞佢喺論壇嘅表現（嘩，真係同八方一樣「識貨」），問佢有冇嘢可以幫忙，於是李偲嫣就要求導演為佢講幾句話啦。
高志森喺片中大讚李偲嫣有辯才，牙尖嘴利，講嘢「好有point」以及夠堅持，仲形容佢係「反對派嘅反對派」。高志森強調好認同李偲嫣部份理念，例如撐警執法、反港獨、反佔中，「我相信如果佢有機會入到議會，佢會成為反對派嘅反對派，佢嘅辯才，大家有睇過佢嘅辯論，都知道係非常之精采」。Um……花生友一定好鍾意。該區其他參選名單，請參閱本報立會選戰網站 http://hk.apple.nextmedia.com/legco2016/region 。