眼前這個的的骰骰、大小猶如乒乓波的椰菜仔（學名﹕抱子甘藍)，又叫小椰菜，其鉀質豐富，為去水腫小幫手。它與平日吃開的普通椰菜，即扁圓形、圓錐形椰菜一樣，同為十字花科的植物。不過，當中所含的營養價值，卻比普通椰菜更高。
「食落有少少澀，澀得來帶點香味、椰菜味。」荃灣楊屋道街市菜檔老闆娘伍太指，有客人嚐過後，認為椰菜仔苦，但喜歡的人，卻視之為回甘。記得數月前，自己曾清烚十多粒小椰菜，本以為與普通椰菜一樣清甜，豈知一放入口，卻苦不堪言。伍太教路，將椰菜仔剝開一塊塊烚，苦味將會大減。其後，我照辦煮碗，苦味果然消失了；不過味道就略嫌較淡，只剩少許菜味，失去了椰菜仔回甘的特色。她續指，除了烚，亦可將原粒、切半或剝開了一塊塊的椰菜仔，配以馬拉盞、蝦醬或蒜蓉一起炒。「炒前先汆水，就非常入味。」
去水腫小幫手
打工仔經常出街食飯，鹽鈉難避，食得太多更會影響血壓、腎功能及引致水腫。此時高鉀質類蔬果便大派用場。尚營坊高級營養師李龍家麒（Thomas）指: 「一杯4個椰菜仔，接近一隻香蕉的鉀質含量。」與香蕉一樣，椰菜仔含豐富鉀質，唔想再手腫腳腫面腫腫？相信椰菜仔亦是不錯的選擇。
記者﹕湯珮然
攝影﹕劉永發、徐振國
