現年46歲嘅大美人李嘉欣，俾人影到同老公許晉亨，現身拔萃男書院附屬小學嘅收生講座，為即將讀小學嘅囝囝Jayden鋪定路。（新聞連結： http://bit.ly/2btgFL6 )
做咗人媽咪，對囝囝嘅將來，緊張啲梗係無可厚非，啱啱李嘉欣又貼咗張相出嚟，留言話「就是有些腳趾讓M咬牙切齒！」相中只見嘉欣捉實Jayden隻腳仔，作狀咬落去，溫馨得嚟又幾搞笑！
不過，平時影相好少失手嘅李嘉欣，今次貼嘅相，雙眼腫腫哋，而且蘋果肌亦異常凸出，加上疑似雙眼皮膠紙外露，搞到嘉欣唔係好似嘉欣咁，有網民就懷疑相中人究竟係咪大美人嚟，亦有網民話，時間對每個人都係公平嘅！