在近十季開鑼戰，告東尼合共取得11場頭馬，數目與早前介紹的另一位開鑼Go人沈集成睇齊，同屬各練馬師之冠。今季開操後，告東尼積極備戰，在8月16及 17日首兩次試閘，已派八駒出試，而截至剛周末試閘嘉年華，東廐合共有19駒曾試大閘，當中不少更交出極佳走勢，如「美麗皇者」及「英勇大師」便在八月中已試閘勝出，極有可能是馬房之先頭部隊。
開鑼捧東廐可向四歲馬埋手，因為近十季同日11場頭馬，當中七場由質新四歲馬建功，佔總數逾六成，餘下四Win由五及七歲馬瓜分。另外，東廐近六匹開鑼戰頭馬全屬澳洲馬，故此一批現役四歲澳洲馬「劍無名」、「風火勁駒」、「加州再豫」及「綫路神駒」如上陣值得優先留意。
此外，近八匹在開鑼捧成大熱門之東廐馬，交出三冠三亞一季一殿全入前四名，臨場票數強勁乃搏殺先兆。