【乘客鼓譟】
噴射飛航近300名乘客在撞船事故中「嚇餐飽」，有乘客事後猶有餘悸，指事發時正下着大雨，並有閃電，全船人身處怒海感生死難料。亦有乘客一度發現手機沒訊號，焦急說：「𠵱家連WiFi手機訊號都冇，所有電話又打唔到，連遺囑都講唔到呀！
憂南丫海難翻版
乘客施先生表示，撞船時「撞擊力都幾大，撞咗一下，船側邊睇到有啲煙。」由於事出突然，不少乘客都十分慌亂，擔心釀成南丫海難翻版，紛紛自行穿上救生衣。由於船隻左方被撞，撞船位置左邊不斷有乘客移去右邊。他形容當時雷雨交加，其間船上引擎停頓，相信是進行檢查。不過當時職員未有充份交代情況，只見有職員在船上跑來跑去，氣氛緊張。
乘客吳小姐引述撞船後「船頭左邊有個大窿，當時大家都擔心會沉船，有船公司職員衝去船頭視察，之後話唔會沉嘅放心無事」，這時乘客才稍稍安心。另一名乘客阿Sam則形容撞船後，「隻船撞到爛晒，兩排凳抄起咗，有個女子受傷隻腳流晒血，船上又有老弱婦孺，情況好混亂。」
■記者李家傑