【本報訊】久聞樓梯響的深港通有望於今年底開通，港股名單中更加入市值50億元以上的細股。不過，滙豐金融服務（亞洲）投資策略主管劉紹文坦言，內地投資者對本港細價股不熟悉，短期內未必能吸引內地資金，「或者會好似自由行咁，過幾年先見到實際效用」。
去年滬港通曾一度刺激港股氣氛，隨即迎上短暫的港股大時代。不過，劉紹文坦言，滬港通開通初期交投量有限，事實上去年港股亦非因為滬港通而大升，只是跟隨A股升市。他亦不相信過去鍾情的細價股板塊，會成為內地資金的投資目標，「其實我都有同國內客戶溝通，不過坦白講初步無好大興趣，一個原因，好簡單，佢哋唔熟」。
北水鍾情收息大價股
劉紹文指，國內投資者投資港股不乏渠道，主要鍾情本港收息大價股，尚未看到有強烈意願投資本港細價股。他強調，投資者認識兩地股市是一長遠過程，不應對深港通開通初期股市會爆升抱太大期望。事實上，現時細價股成交亦不見熱烈，又相信股市尚未到投資細價股的周期。
劉紹文說：「就好似2003沙士後推自由行，政策行好耐，但其實最近五年先對香港零售業影響較多，深港通、滬港通都一樣，長遠睇會對港股有幫助。」即使滬港通開通接近兩年，北上意慾更冷淡，劉紹文反問：「你問吓自己有無諗過買滬股？」